STOP NOW! So everyone will.

It is not our differences that divides us. It is our inability to recognize, accept, and celebrate those differences.

Audre Lorde

Kapag nababasa o naririnig ko ang salitang diskriminasyon, naiisip ko agad ang bullying. Because for me, it’s a form of bullying. Pero ano nga ba ang definition neto? Based on google ang diskriminasyon ay “The unfair or prejudicial treatment of people and groups based on characteristics such as race, gender, age or sexual orientation”. Sa madaling sabi, panghuhusga. Panlalait sa taong sa tingin mo naiiba dahil sa kulay ng balat, gender identity nila, pinanggalingan, at kahit estado sa buhay.

Aabot tayo ng siyam-siyam kung ipapaliwag ko pa ang maraming anyo ng diskriminasyon. Nasayang na nga ang oras natin, wala pa tayong makabuluhan na nagawa o nalaman. Kaya ang tatalakayin nalang natin ay ang mga paraan na maaaring gawin ng mga kapwa natin estudyante upang hindi maapektuhan ng diskriminasyon.

Solusyon Diskriminasyon

Focus on your STRENGTHS
Pagpapatatag ng iyong sarili, paniniwala, at kakayahan ay makakatulong upang mas magpursigi ang isang tao. Maaari rin netong balewalain ang mga negatibong komento. Ang pagtatagumpay na harapin ang anumang hamon ng buhay ay nagiging dahilan upang ang tao ay maging mas matatag at magkaroon ng kakayahan na harapin pa ang mga susunod na hamon ng may kahusayan.
SEEK support system
Isa sa problema ng diskriminasyon ay ang kakayahan nitong lituhin ang tao. Kahit na walang punto, tumatatak at naisasapuso ito ng nakakatanggap. Pagdududahan mo ang iyong halaga at iisipin mong hindi ka nga sapat, gaya ng sinasabi nila. Sa ganitong panahon nakakatulong ang pagkakaroon ng support system. Ipapaalala nila sayong sapat at minamahal ka.
Get INVOLVED
Maaring nahihiya kang magsabi sa iyong pamilya o kaibigan ng iyong mga pinagdadaanan. Huwag kang mag-alala, dahil hindi lang naman sa kanila makakakuha ang suporta. Kahit kanino o kahit sa ano ka maaaring sumandal. Pwede kang makilahok sa mga organisasyon at grupo na tinatalakay ang diskriminasyon. Ang pakikisalamuha sa mga taong may kapareho na sitwasyon ay nakakatulong. Maaari ka nilang gabayan at turuan kung sa anong paraan mo malalabanan ang diskriminasyon na iyong nararanasan.
Let them KNOW
Hanggang ngayon, may mga tao paring ginagawang biro ang stress at depression. Pinangangatwiran na isa lamang itong anyo ng pagpapansin. Kailangang ipaalam sa kanila na ito ay totoo at nangyayari sa totoong buhay.
Orientation ang naiisip kong paraan para rito. Kada eskwelahan ay maglalaan ng oras upang maipaliwanag ito sa mga estudyante. Mas mainam rin ang program para hindi ma bored ang mga mag-aaral. Ngunit dahil pandemic, mas maganda ang paggamit ng social media para magpalaganap ng kaalaman ukol dito.
Start with yourself
Sa tingin ko hindi na ata matatapos ang diskriminasyon sa mundo. Nature na kasi ata ng tao ang manghusga. Kasi pag ginagawa nila iyon, umaangat ang tingin nila sa sarili nila. Wala mang pag-asang maubos, ngunit pwedeng mabawasan. Kesa dumagdag sa mga nanlalait, humiwalay tayo sa kanila. Let us not feed our ego on someone’s flaws. Wala namang mangyayari, hindi ka naman gaganda, feeling mo lang angat ka sa kanya. Imbes na kanya-kanya nating iangat ang ating sarili sa pamamagitan ng panghuhusga, bakit hindi natin sabay-sabay palaguin ang kumpiyansa ng isa’t-isa? Same result but much better na formula. Simulan natin sa huwag pangingialam sa gustong gawin ng iba.